荔枝角| PICOSO

地址：荔枝角長沙灣道883號億利工業中心1樓101室 環境：店舖色彩繽紛，令人一進入店舖就覺得非常愉悅！店舖四周有唔同嘅畫作同擺設，充滿異國風情，而其中一面牆係玫瑰花牆，打卡度滿分。 食物： //Tacos 手撕烤雞肉墨西哥玉米餅// 墨西哥菜必食！玉米餅一客兩塊，兩塊餡料雖然都係雞肉，但分別配襯新鮮製作的牛油果醬同鮮番茄醬，牛油果醬味道口感，Creamy豐盈，鮮番茄醬口味酸甜清新 //自家製炸蟹肉餅南瓜忌廉燴飯// 炸蟹肉餅脆卜卜好香口，燴飯飯粒粒粒分明吸晒南瓜忌廉汁濃郁香氣。 //西班牙油炸鬼 ＆窩夫配雪糕// 超邪惡但我鐘意🤤一定要熱辣辣即食，金黃脆口內裡軟嫩，面頭灑上糖粉同肉桂粉，香甜層次豐富。